#160

.من المشاكل إلي ينجم يتعرضلها السائق أثناء القيادة هو إرتفاع درجة حرارة المحرك، برشا أشخاص مايعرفوش كيفاش يتصرفو باش يتفادو الأخطار الأخرى
تبريد المحرك في السيارة يرتكز على حاجتين: التبريد بالماء والتبريد بالهواء يعني الماء و الهواء هما المسؤولين على خفض درجة حرارة المحرك، إذا صارت فيهم مشكلة مايتحصلش الموتور على التبريد المناسب والكافي وقتها ترتفع درجة حرارة بسرعة و تنجم تحصل برشا أعطال
:طريقة تبريد محرك السيارة
.إذا لاحظت مؤشر حرارة متوجه نحو الإشارة الحمراء، لازم تكون مستعد لحصول مشكلة و ماتنساش تواصل مراقبة المؤشر بإستمرار *
. إذا المؤشر واصل الإرتفاع لازم توقف جانب الطريق و ماتسكرش الموتور، إفتح غطاء المحرك و راقب مروحة التبريد و تأكد من عدم وجود تسريب في زيت المحرك *
. إغلق المحرك باش تنخفض الحرارة و أتركة لمدة 5-10 دقائق *
.تأكد من أن الماء توقف عن الغليان، إفتح الغطاء، تأكد من مستوى الماء و أسكب الكمية الناقصة *
. تنجم تشغل الموتور باش تتأكد من رجوع درجة الحرارة لمعدلها الطبيعي *
.ماتنساش تسكب الماء على ريدياتير السيارة باش يبرد *
.إذا كانت المشكلة في مروحة التبريد، ماتخافش تنجم تواصل القيادة بعد تبريد الموتور. لكن لازم تتوقف كل مسافة باش ترتاح السيارة و يبرد الموتور *

+20.000 pièces détachées auto dans notre catalogue